Ōn|ў Mê الاداره العامة
عدد الرسائل : 3355 العمر : 29 الموقع : my room العمل/الترفيه : طالبه المزاج : عايز تطلع اية ؟ : احترام قوانين المنتدى : عارضه الطاقه : السٌّمعَة : 41 نقاط : 2147483647
| موضوع: الفلول بتدحرج المسا .. السبت نوفمبر 26, 2011 10:52 am | |
| الفلول هى كلمة عربية على وزن " فعول " مفردها " فل " مؤنثها " فلة " و للأسف مش قلة , دول عددهم كبير و ف إزدياد و راجعين بقوة و خصوصا ف الفترة دى بالتحديد عشان انتخابات مجلس الشعب و الشورى , و كل واحد طبعا عايز يحافظ على كرسى الأباء و الأجداد اللى ف المجلس و مش عايز يفرط فيه ….
فيه منهم بقى اللى راجع و فاردلك عضلاته و يقولك ( إحنا لو رجالتنا نزلت الشارع مش هنخلى حد يعرف يمشى )[ندعوك للتسجيل في المنتدى أو التعريف بنفسك لمعاينة هذه الصورة],( و اتقوا شر الصعيد إذا غضب) .. و ده طبعا مش يتسمى تهديد ولا حاجة , لا أبدا .. ده اسمه دحرجة المسا ع الناس الكويسة اللى هما إحنا يعنى.. بس بغشومية شوية
و اللى راجع من تانى و عامل فيها طيب [ندعوك للتسجيل في المنتدى أو التعريف بنفسك لمعاينة هذه الصورة]و قلبه قلب خصاية ولا كإنه شارك ف الحياة السياسية قبل كده , و مثلا مجرد إفتراض يعنى كسب ف انتخابات المجلس 2010 بالتزوير .. و لا شارك ف مصايب الحزب أبدا .. و من كتر طيبته بيسأل الجمل ده شكله عامل إزاى !!!!!!
و اللى جاى من تانى و عامل عبيط , راح حج بيت الله .. و زى ما كلنا عارفين الواحد بيرجع من الحج كيوم ولدته أمه ( صحائفه بيضاء و بلا ذنوب ) ,, ده بقى ساق الهبل ع العبط و هيروح يترشح للإنتخابات لأول مرة ف حياته و عقبال ما تيجى الإنتخابات يكون كبر شوية و تم سنة الحمد لله و يكون أصغر مرشح ف التاريخ .. و يبدأ المشوار من الصفر
و اللى راجع من جديد بيقولك أنا مؤيد للثورة و كنت دائما ضد سياسات الحزب الواطى , بس عشان أنا وطنى و مفعم بالوطنية فضلت فيه و كنت بحاول أصلح ما تم إفساده ,, و أهو الواحد كان بياكل عيش برضه …
و تلاقى اللى رجع قريته أو محافظته اللى بيترشح فيها على طول و بيكسب دايما و راح عملك مسابقات القرآن الكريم عشان خاطر أبناء الثورة و شباب الثورة المبجلين الكرام الذى كان و مازال و سيستمر فى دعمهم … و كله لوجه الله طبعا
اللى ناقص بقى إنك تلاقى مجموعة من " الفلول" تقولك نتمنى محاكمة مبارك و زوجته و أبنائه الذين أفسدوا الحياة السياسة ف مصر ( جميل جدا ) و أفسدوا الحزب الوطنى ( نعديها ماشى ) و أفسدوا كل رجال الحزب ( إيه !!!! ) و نيموا ضمائرهم و بوظوا أخلاقهم و كسبوهم ف الإنتخابات بالتزوير .. الله ينتقم منهم إهئ إهئ قادر على كل ظالم .. المسامح كريم أيها الشعب المصرى ( ههههههه أه و ماله ) ….. و فيه غير كده كتير جدا من الأمثلة , مش محتاجة تتقال .. ما هو كله بيدحرج المسا بس بطريقته | |
|
Sènséna .. ♥
عدد الرسائل : 6736 العمر : 26 الموقع : iN my DaRk mOon العمل/الترفيه : طالبه لسا ياعينى المزاج : عايز تطلع اية ؟ : احترام قوانين المنتدى : عارضه الطاقه : السٌّمعَة : 16 نقاط : 8868
| موضوع: رد: الفلول بتدحرج المسا .. السبت يناير 28, 2012 2:17 pm | |
| ياااااااااه كل ديه صـ ور للفلول !! يلا ربنــ ا يشيلهم و ينور عقولهم للصـ ح بقه .. Thnx ..... | |
|