كـــــراكـــــيـــــــبــــــــ


منتديات كراكيب



 
الرئيسيةس .و .جبحـثقائمة الاعضاءالتسجيلدخول
اداره منديات كراكيب تهنئ الامه الاسلاميه بحلول عيد الفطر المبارك

شاطر | 
 

 واخيرا .. الحلقه ال 30

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Sènséna .. ♥



انثى
عدد الرسائل : 6736
العمر : 19
الموقع : iN my DaRk mOon
العمل/الترفيه : طالبه لسا ياعينى
المزاج :
عايز تطلع اية ؟ :
احترام قوانين المنتدى :
عارضه الطاقه :
100 / 100100 / 100

السٌّمعَة : 16
نقاط : 8868

12062016
مُساهمةواخيرا .. الحلقه ال 30

السلام عليكم يا جماعه Very Happy *اللى هم عبارة عن مى وشاديه lol! * او لو فى يوم ما حد من الناس القديمه دخلت وقرت ب معجزة ما!!
بعد 4 سنين نزلتلكوا الحلقه الاخيرة ي جماعه .. مش مهم ال 4 سنين المهم انها ف رمضان Rolling Eyes
المهم طبعا انتوا مش فاكرين حاجه م القصه Laughing  ف بسرعه كده هقولكوا ملخص اللى فات عشان ادخل ف الحلقه الاخيرة وهتبقى طويييله afro
ملخص ال 29 حلقه اللى فاتوا ان انا ومى وشاديه روحنا نقضى رمضان ف فيلا ف العين السخنه و بعدين قررنا نجيب مجموعه من الاعضاء معانا منهم اخت مى منال و اختى بلاك و فطوم "دو رى مى" ومصريه ميه  % ومستر زوما و مستر دودى ونانا .. حاليا انا معرفش نص الناس دى عامة Suspect
وكان كلهم مقالب لحد م نزلنا تحت ف قبو واتقفل الباب علينا و كان فى شوية الغاز كده .. شاديه سنتها اتكسرت ووقعت ف بلاعه و مى شعرها فرقع واتضرب فيها صاروخين .. وانا مستر زوما قتلنى وعملت نفسى مت .. و فى الاخر ده كله كان اتفاق ما بينا كلنا على مى .. bom وودينا شاديه عند دكتور سنان *على حسابنا -.- * عملها حاجه مؤقته لحد م تروح المغرب .. ووصلناها المطار و بعدين انا ومى سلمنا على بعض .. نبدأ الحلقه الجديده بقاا pirat

00

بعد مامشينا شوية اتصلت على مى .. انا : مى , ما بدل ما نسافر بالليل كده واحنا مبنشوفش بعض كتير تعالى نرجع نقضى انهارده كده ونسافر ع الفجر كده نوصل على صلااة العيد ♥
مى : ممممم , وماله استنى افكر واشوف جداول مواعيدى Cool
انا : -_- , انجرى ي مى Evil or Very Mad
رجعنا الفيلا و جبنا فيلم Zootopia Cool  واشترينا سندوتشات ماكدونالز و جبنا سينابون و دوناتس عشان السهرة بقا وكده bounce  ف نص الفيلم موبايل مى بيرن ..
مى : الو , ابوه انا خير؟ , اه , اييه ! يعنى ايه ازاى يعنى !! انت متأكد؟؟ احنا موصلينا بنفسنا للمطار!
ابعد م قفلت السكه , فى ايه ي مى خضتينى : كلمونى م المطار قالولى ان شاديه مطلعتش ع الطيارة و لقوا موبايلها بس ف الحمام وانا اخر واحده مكلماها .. الكاميرات موضحه ان اخر ظهور ليها كان وهى داخله الحمام وطلعتش , بس فى واحده منقبه طلعت مع واحده منقبه على كرسى متحرك شاكين انها تكون واحده منهم !! و ..
ف نص ما مى بتحكيلى النور قطع عن الفيلا كلها pale affraid  ! مى صوتت واتخضت : لا لا انا لا يمكن اقعد ف المخروبة دى دقيقه واحده !! يلا نمشى بسرعه كانت فكرة نحس لما فكرنا نتجمع Evil or Very Mad وبعدين سكتت ! ياسميييين؟ اوعى يكون ده مقلب تانى انا خلاص اعصابى باظت Question
انا : انتى غبيه ي مى؟!!! Mad  مقلب ازاى يعنى و انا من ساعه م سيبتها وانا معاكى !! وبعدين هتفق مع المطار يعمل فيكى مقلب ! ما تعقلى الكلمه شوية وخلينا نشوف المصيبه دى Mad Mad Mad
مى : لا نشوف ايه ! انا ماليش دعوة انا هروّح بيتنا حااالا العمر مش بعزقه اه Laughing Shocked
انا : طب ماشى يلا نخرج دلوقتى عشان نعرف نفكر كويس نروح المطار! و الصبح نبقى نرجع نلم حاجتنا .. مى؟؟؟؟؟
مى : استنى والنبى بس اخد السينابون معاايا ملحقتش اتهنى بيه Sad ده الواحد بسبعه وعشيين جنيه!! Sad
انا : مى اتلمى احسنلك يالااااا Mad ,, المهم جينا نخرج كان النور مقطوع عن الفيلا كلها والنيا كحل مش معانا حتى موبايلاتنا ننور , بس كان فى نور جاى من بعيد
مى : فى نور هناك اهه يلا ده بيودّى ع الشارع.
مى : مستحييل ! ياسمين بلاش هزار

انا : مى انا مش عايزة اخوّفك .. بس انا والله ما اعرف اى حاجه بجد المرة دى انا زيى زيك!! ممكن يكون عطل كهربا عادى يعنى متكبريهاش!
مى : لا مش عادى ! مش عادى ان النور يقطع ما عدا اللمبه الى فوق لوحه المفتش كرومبو!!!!

*تذكير : لوحه المفتش كرومبو كانت ف المقلب بيدوسوا عل مناخيرة عشان باب القبو يبفتح Very Happy*
مرة واحده ريكورد اشتغل من سجهاز كان متثبت ع السماعه :: ازيكوا يا قطاقييط؟! تيجو نلعب؟ بس المرة دى بجد بقا انسوا لعب العيال بتاعكوا ده احنا سيبناكوا نضحك عليكوا وانتوا بتهزروا هزار البوابين .." مره واحده بزعيق " افتحوااااااا البااااااااااااااب "

مى بتبصلى! انا : مى متستهبليش بقا قولتلك معرفش حاجه!! انا خايفه No  
مى : انا هطلع لو عايزة تيجى حصلينى! .. بس مى اول ما جت تطلع باب الفيلا اتقفل من بره! وكان باين من الأزاز خيال راجل ملثم ماسك ف ايده مسدس!

طبعا مى اتسرعت وقعدت تعيط نص ساعه : هنموووووووووووووت affraid
اهدى ي مى بس!
مى : لا لا احنا هنمووووووووووووت affraid  اخرتها هموت معاكى انتى !! ليه يا ربى بس ليه! affraid
ساعتها ضربت مى بالقلم عشان تفوق شوية afro
مى : بصى اكيد يعنى اكيد حد من الاعضاء عايز يردلك المقلب مش اكتر .. وتلاقى شاديه كمان معاهم , بس ليه مخادونيش معاهم يعنى ليه انا يتعمل فيا المقلبين كده حرااام والله Sad Sad ايوة اكيد انا صح ده مقلب احنا هنفتح الباب عشان نشوف اخرتها ايه .. حطى ف دماغك انه اكيد مقلب احنا مش هيحصلنا حاجه!!

انا ببص لمى وبحاول اصدق كلامها , اللى هى اصلا مش مصدقااه !
انا : طب ادخلى وانا همسك الباب ,
مى : نعم ياااااااااااااختى Evil or Very Mad Evil or Very Mad  عشان اول ما اتقتل تطلعى تجرى يا جزمة!
انا : هجرى اروح فين ي متخلفه والباب مقفول من بره Mad
مى : ااه صحيح , لا طالما هتموتى انتى كمان خلاص مفيش مشاكل ! cat bounce
بعد ما مى مشيت شوية .. يااااااسمين الحقى!!
اخدت من بره الباب فازة و طلعت جريت عليها , لاقيتها بتقولى : انتى سامعه الصوت ده!
كان صوت حد عمال يعيط , مشينا لحد م وصلنا لاقينا شاديه مرمية ع الارض .. ايديها ورجليها مربوطين وبوقها كمان .. متعورة ف وشها وعماله تعيييط !
فكيناها و هى لسه عماله تعيط!

مى : اهدى بس اهدى وفهمينا ايه اللى حصل؟ affraid
شاديه وهى لسه بتعيط : انا دخلت الحمام قبل الطيارة ب 10 دقايق اظبط الميكب وشعرى Shocked  فجأة راجل كان لابس لبس منقبه رفع النقاب و جه حط منديل عل مناخيرى ابتديت ادوخ ومعرفتش اهرب منه .. صحيت لاقيت نفسى هنا scratch Sad
انا : احنا لازم نمشى من هنا بسرعه !!
طلعنا نجرى و مسكنا الكراسى قعدنا نكسر بيها ازاز باب الفيلا .. واحنا مش عارفين ايه الى ممكن يحصل ! بس كسرناه وطلعنا قعدنا نجرى كتييير!
انا : اكيد مش هيسيبونا!
شاديه : انا خايفه بزاااااف يخربيت معرفتكوا Evil or Very Mad Evil or Very Mad
مى : باااااااااااس خلااص انا نفسى اتسدت بس ما اييدى للواطى اتمدت , بس خلااااااااااااااص Cool Laughing afro
انا : يحرق برودك ي بعيده Mad Mad
مى : يا جماعه اهدوا شوية!! لو كانوا عايزين يعملولنا حاجه مكانوش سابونا عايشين لحد دلوقتى!! احنا خلاص طالعين ع الطريق السريع! ندعى بس نوقف عربيه وميكونش اللى سايقها قتال قتلة ب حظنا الهباب ده!! silent
وفعلا وقفنا عربيه بس كانوا ولاد حلال .. كفايه انهم رضيوا يركبوا واحنا منظرنا مبهدل كااننا طالعين من خناقه .. شعرنا منكووش ووشنا مترب وملزق! وعلينا دم ..
روحنا قعدنا ف اقرب مول .. مى كلمت اختها بعد م استلفت موبايل واحد من المول
: الو .. ايوة يا منال مش هتصدقى ايه اللى حصلى! مش وقته بس انا محتاجه فلوس و لبس واكل وعربيه تيجى تاخدنى .. قصدى تاخدنا دلوقتى حالا Embarassed  مسلسل ايه يا منال انا مبهزرش!! منااال؟؟ الووو؟؟؟
النااادلة Mad  انا عارفه ان الراجل هيشتمنى بس هى فاكرانى بهزر! لام اكلم اخويا!!

اخوها جه وقعد يضحك ويتريق على منظرنا .. وصلنا كلنا بيت مى وطنط ربنا يخليها عملتنا ولييمة واستحمينا ولبسنا لبس مى Rolling Eyes cheers rendeer
واتفقنا كلنا اننا منحاولش نفهم اللى حصل .. ولا نفتح الموضوع حتى كفايه اننا الحمد لله كويسين!! شاديه بتفكر وبعدين قالت: تفتكروا احنا فعلاا كلنا كويسين؟؟؟ Rolling Eyes
مى موبايلها رن وقامت تتكلم بعيد .. ف نفس الوقت اللى طنط مامت مى جايه وبتقول : لا حول ولا قوة الا بالله ! الحمد لله يا ولاد ربنا سترها عليكوا بصوا الخبر ده..


حادثه مفجعه فى العين السخنه :
عثر رجال الشرطه صباح اليوم على 4 جثث لشباب فى احدى فيلات العين السخنه بعد تلقيهم بلاغ من احد الجيران بسماعهم صرخات فى الفيلا .. وبعد البحث والتفتيش وجد فى قبو ما .. جثه لشاب تم التعرف عليه وهو يدعى " مستر زوما " قٌطعت اشلائه عن طريق حيوان مفترس لم يتم العثور عليه .. و فتاة تدعى فاطمه "دو رى مى" ماتت ب9 طعنات بالسكين مع نزع اظافر يدها .. وشاب اخر يدعى احمد " باكشو" تم العثور على 3 ابر "حقن" مغروزة  فى عينيه مع قطع يده اليمنى ولم يتم العثور عليها ثم مات على اثر اختناق شديد.. اما الضحيه الرابعه فهى "مصريه ميه%" و ماتت اثر طلقتان من النار وبعض الحروق البسيطه .. تعمل الشرطه الان على رفع البصمات من الفيلا بعد تأكدهم من تواجد اشخاص اخرين مفقودين .. وتبذل قصارى جهدها للوصول الى هذا القاتل السفاح




انا وشاديه بنقرا واحنا مبرقين و خلاص هنعبط !! مى : الحقوا يا جماعه مصيبه !! مامت انور " جزائرى " و محمد " دودى " كلمونى وقالوا انهم مختفيين مظهروش من امبارح !! انا اتأكت ان نانا و بلاك و منال وصلوا ! وباقى الاعضاء مبيردوش ع الموبايل !!
شاديه: هى دى كده مصيبه؟؟ خدى اقرى الخبر ده كده!!
مى : يعنى ايييه!! يعنى اييه يعنى؟؟ ده بجد؟ يعنى هم ماتوا؟؟؟
انا : دول مش بس ماتوا بالطريقه البشعه!! احنا حاجتنا وبصماتنا موجوده ف كل حته ف الفيلا!! يعنى احنا اول المشتبهين فيهم .......

اقتباس من الحلقه 11 ::

' فـ نص الليل , جت المكالمه المجهووله ديه -->

soMeone 1 :: خلاص كده الكل اتجمع و الخطه هتتنفذ ان شاء الله بكره ,

sOmeoNe 2 :: ان شاء الله بكره .. بس متجيبوش مى و شوشو و سنسن و زوما , ولا اقولك هاتوا شوشو

00

فى مكان ما فى نفس الوقت ...
Someone 1 : لا بس كانوا يومين زى الفل يا كبير! الواحد اتمزّج بالعيال دى والله !
Someone 2 : ادى اخره العيال اللى تقعد لوحديها ... انا اتمزجت اه وانا بقتلهم , بس الاكتر وانا بتفرج عليهم وهم بيلعبوا على بعض العبط وفاكرين ان ده كده الرعب الحقيقى و الصاروخين اللى خوفوهم اوى!
Someone 1 : انما اشمعنى قتلت ال 4 دول والباقى سبتهم ي كبيرهم؟
Someone 2 : دول كده استفزونى .. قلت لازم يتقتلوا كده ااه حسيت ي اخى انى عايزااقتلهم اانا حر scratch اما مى و شوشو سبتهم عشان اتفرج عليهم و هم مرعوبين م الحبس What a Face
Someone 1 : والبت سنسن خدت حسابها ولا ايه؟ عملت اللى عليها وزياده البت دى والله طلع فيها جزء اجرامى تنفع ناخدها معانا العمليه الجايه afro
Someone 2 : اااااه عملت معاهم شغل عاالى الله الوكيل .. لا ومفهماهم كلهم انه فطار جماعى ولمة صحااب .. ناصحه والله .. احلى حته عجبتنى لما قالت فكرة النمر وانه يفضل تحت على انه جزء من مقلب العياال بتاعهم ده .. ميعرفوش ان زغلول جعاااااان وكان لازم يتغدى بحد فيهم .. اول ما يتمسكوا ساعه زمن والبت ى هتطلع دى اكتشاااف لازم تيجى تشتغل معانا هنا , الاتنين التانيين بقا قول عليهم يا رحمن يا رحيييم What a Face cyclops


بس كده  انتهى  afro  afro  afro  afro




[ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
مُشاطرة هذه المقالة على: Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

واخيرا .. الحلقه ال 30 :: تعاليق

لا يوجد حالياً أي تعليق
 

واخيرا .. الحلقه ال 30

استعرض الموضوع السابق استعرض الموضوع التالي الرجوع الى أعلى الصفحة 

صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
كـــــراكـــــيـــــــبــــــــ :: مــدونــاآات كـــــــراكـــــيــــــبـــــ :: | يوميـات عضـوآت فـ رمضـآن |-
انتقل الى: