الزفت والزفت هم
- اقتباس :
- الزفت اخو الزفت
الفرعون الصغير00 اخو الواد عبدو
اما بقى حكاية المكرونة
فدى حكاية طويلة جدا
بصي بقى يا ستى
انا كنت بكلم عبدو على الايميل
وكان الفجر
كان خلاص النور قرب يطلع
وقالى انا جعان
وعندة كلهم فى البيت كانوا نايمين
فقولتلة انا هقولك وصفة اى اكل وانت اعملها
قالى ماشي
انا جبتلة اسهل اكلة وقولتهالة
اللى هى المكرونة
هو قرر يعمل الصوص بالبصل
قولتلة ماشي مش هاتفرق
فهو طبعا راح يعمل الحاجات دى فى المطبخ
فقضيناها تليفونات
انا فجأة لقيت الواد بيقولى استنى هحط الماية على النار عشان يسلق المكرونة
قولتلة ماااااااشي
وفجأة لقيتة اتأخر
قولت هو اية من كتر الجوع انتحر او ولع فى نفسة
لا انا اتصل بيه احسن عشان اتطمن
اتصلت بية
وعينك ماتشوف إلا النور
سمعتلك حاجات بتتكسر وحاجات بتقع
ومغامرات فى المطبخ
قولت عادى ممكن حاجة وقعت منة
كنت سامعاه بالعافية من كتر الاصوات
ويعد كده جه لمرحلة البصل
كنا قفلنا بقى
والمكرونة على النار بتتسلق
والمفروض يقطع البصل عشان الصوص
فقرر يقطعة قدما الكمبيوتر
ويكلمنى وهو بيقطعة
طبعا عينية وجعتة
وكان بيكتب كلام غلط عشان مش شايف الحروف
المهم استحملتة لحد ما يخلص تقطيع
وبعد ما قطع المفروض يروح يعمل الصوص بقى
انا قولتلة دى حاجة سهلة اعملها انت بقى من غير ما اكلمك
قالى ماشي
طبعا يا عيني اخوه صحى من النوم
اللى هو
الفرعون الصغير
على صوت التخبيط والتكسير
واخيرا عبدالله خلص المكرونة
وجاى بقى عشان ياكل
وبما انه عمل بقى انجاز
صورلى المكرونة وبعتلى الصورة
تخيلوا شوفت اية
شوفت مكرونة مسلوقة عادى
بس فى بصل وقشر بصل فى المكرونة والصوص مش باين
تخيلوا
قطع البصل بالقشر
خلانى كنت هتشل
طبعا المكرونة دى ماحدش ياكلها
لاكن المفترى ده بقى
اكلها لاخوة
اللى هو الفرعون الصغير
ويا عيني الواد بطنة وجعتة
من ساعتها
كل ما نقولة فاكر المكرونة بطنة توجعة
ههههههههههههههههههههههههههههههههههههههه
ودى بقى قصة عبدالله ومي بتاعة المكرونة
ههههههههههههههههههههههههههههههههههههههههههههههههههههههه
اية رأيكوا ؟