فى بدايه الموضوع ياجماعه احب اهنىء المنتدى بالساعه الجميله اللى بتفكرنا ديما ببدايه العد التنازلى لشهر القرأن شهر رمضان...
طبعا كلنا فى بدايه الشهر الكريم بنشد حيلنا
ونقول اننا هنكسر الدنيا ونختم القرأن بدل المره مرتين
وبعد اسبوع واحد معظمنا بيكسل وينشغل
بالبرامج والمسلسلات
ويادوب بنختم القرأن مره واحده
بالرغم ان الشهر ده هو شهر العباده
اللى المفروض يزيد فيه الالتزام شويه
احنا هنقدم فكره بسيطه جدااا عشان نساعد بعض فى ارضاء ربنا ونطلع كسبانين من افضل شهور السنه ع الاطلاق..
مبدئيا المصحف الشريف يحتوى على 600 صفحه... لو مش متأكد روح بص وتعالى
ربنا انعم علينا ب 30 يوم
ممكن تقسم 600 على 30 =20 صفحه
وكمان من فضله انعم علينا ب 5 صلوات
ممكن تقسم 20 على 5 =4 صفحات
يعنى لو بعد كل صلاه وفرض قرأت 4 صفحات هتختم القرأن لمره على الاقل...
ياسلام شوف اد ايه الموضوع بسيط؟؟؟؟
تعالوا معايا نشوف قدر الثواب اللى هنكسبه... يلا
القرأن يحتوى على 30 جزء والجزء يحتوى على 7000 حرف تقريبا وكل حرف ب10 حسنات
وعشان خاطر رمضان هنضرب فى 70
هات اله حاسبه كده.. 30*7000*10*70 =147000000
يااااه اد ايه رمضان كريم والله اكرم....
ياسلااام ياجماعه
لو نطبق الكلام ده طوال السنه
يبقى هتختم القرأن كل شهر مره
وياسلام لو نطبقه واحنا فى شعبان
الذى ترفع فيه الاعمال
نبقى بجد نستحق ان نكون امه محمد عليه الصلاه والسلام
ع فكره 4 صفحات من المصحف
اسهل بكتييييير من نص صفحه تشريح او كيمياء او اى عك
وكماااان ثوابهم كبييييير...
يلا ماتترددش ونفذ من دلوقتى...
وخلينا نكووت نماذج ناجحه من دلوقتى ..